紐紐仔(閩南童謠)
兒歌名稱:紐紐仔(閩南童謠)
歌詞:
作詞:戴燕燕
作曲:陳珊
一粒紐仔扁擱扁,
四蕊目睭圓擱圓。
咱來穿衫咱來比,
看來看去成趣味。
在細漢的時陣,
阿嬤有教示,
紐紐仔,
咱囝仔著愛注意。
第一粒,
千萬要細膩。
找位置,
著愛認真擱細致。
一粒紐仔對一孔,
一粒一粒紐甲趟。
一步一步學做人,
偷工減料千萬不通。
穿衫好親像學做人,
端正伶俐出人眾,
第一粒若是對不對孔,
長短褂又顧歪膏七斜。
人生萬事是開頭難,
從小認真到大漢。
紐好人生的第一粒紐仔,
腳踏實地一世人。